AKO'Y PAGBIGYAN MULI (Isang Tulang Pag-Aalay)

Di alintana

Lungkot na aking nadarama

Simula nang landas nati'y

Magpasyang maghiwalay.

Pilitin ko ma'y

Ikaw ay limutin 

Sadyang ngalan mo 

Nakatatak sa puso't isip. 

Puso ko'y nananaghoy 

Hinahanap-hanap pag-ibig mo 

Isipan ko'y litung-lito 

Kaiisip lamang sa iyo. 

Ako sana'y bigyan 

Pangalawang pagkakataon 

Upang mapatunayan ko 

Na pag-ibig sa iyo'y totoo. 

Ibibigay lahat ng iyong naisin 

Kaharian man ni Hades, aki'y tatahakin. 

Lahat ay aking gagawin 

Para lang puso mo'y muli, maging akin. 

Pagsisilbihan kita 

Na parang isang diyosa 

Iibigin kita 

Na parang ikaw na lamang, natitirang babae sa sanlibutan. 

Lahat ng ito'y 

Sa iyo'y ipinapangako 

Pangako ko sa iyo 

Tiyak na hindi mapapako!