Sino nga ba ang hindi mahuhumaling
Sa ganda mo na kabigha-bighani?
Diyosa ng Kagandahan para bang sa iyo ay sumapi
Si Venus, sa wakas! Nakahanap na ng katunggali.
Hindi na ako magtataka pa
Kung bakit sa’yo maraming natutulala
Pagkat sa t’wing ika’y makikita
Pana ni Kupido’y sa puso ko ay tumatama.
Masaya man ako’t ika’y nakilala
Di pa rin maitatago lungkot na aking nadarama
Pagkat nais ko sa t’wi-t’wina
Ikaw sana’y laging kasama.
Alam kong ika’y may ibang mahal
Katotohanang sa akin ay sumasakal
Ngunit kahit na ako’y hindi mo mahal
Patuloy ko pa rin ipadadama walang hanggang pagmamahal.
Tulad ng aking ipinangako
Sa unang tula na aking ginawa para sa’yo
Ikaw A.M.A. parating laman ng isip ko
Mananatili ka sa loob ng aking puso.
No comments:
Post a Comment